اسلام آباد ، 01 جنوری (اے پی پی ): سال2019 کے دوران  جہاں عالمی مارکیٹ میں سونے کی فی اونس قیمت 238 ڈالر کے اضافے کے ساتھ 1284 ڈالر فی اونس کے مقابلے میں 1522 ڈالر فی اونس پر پہنچ  گئی   وہیں مقامی مارکیٹ میں بھی  فی تولہ سونا   20 ہزار چھ سو روپے مہنگا ہو گیا    ۔   31 دسمبر 2018 کو سونے کی فی تولہ قیمت67 ہزار   800 روپے تھی جو   31 دسمبر 2019 تک 88 ہزار 400 روپے فی تولہ تک پہنچ گئی۔
اسی طرح دس گرام سونے کی قیمت میں بھی ایک سال کے دوران 17 ہزار چھ سو ساٹھ روپے کا اضافہ دیکھنے میں آیا ہے، 31 دسمبر   2018 کو دس گرام سونے کی قیمت 58  ہزار  130 روپے تھی جو کہ ایک سال بعد  اسی تاریخ  تک  75 ہزار سات سو نوے روپے تک پہنچ گئی ۔
بات کریں چاندی کی تو ایک سال کے دوران چاندی کی فی تولہ قیمت میں 190 روپے کا اضافہ دیکھنے میں آیا اور  گزشتہ سال کے  880  روپے  فی تولہ کے مقابلے میں  اس سال 31 دسمبر کو فی تولہ چاندی  ایک ہزار ستر روپے میں    فروخت ہوئی  ۔ دس گرام چاندی کی قیمت بھی ایک سال میں  162 روپے   90 پیسے   کے اضافے    سے  754 روپے کے مقابلے میں  917 روپے 35 پیسے تک پہنچ گئی۔
گزشتہ سال میں  سونے کی    ہوش ربا   قیمتوں کے باعث  بناو سنگھا ر کے لیے   مصنوعی    زیورات کا رجحان    غالب رہا لیکن نئے سال سے نئی   امیدیں  بھی وابستہ ہیں    امید ہے کہ سال 2020  خواتین کے لیے   خوشی   کا سال ثابت ہو گا  اور  ایک بار پھر    سونے کی چمک  عروج   پائے   گی ۔

                                                                      اے پی پی /  سعیدہ/قرۃآلعین