لاہور، 08 اپریل(اے پی پی ): صدر مملکت   ڈاکٹرعارف علوی نے  آ ج لاہور کا ایک روزہ دورہ کیا  جہاں انہوں نے  کورونا  وائرس  سے  بچاو  کے  لیے اعلی  سطحی  اجلاس   کی صدارت کی ، صدر مملکت ڈاکٹر عارف علوی نے یونیورسٹی آف ہیلتھ سائنسز  میں  قائم   کورونا ٹیلی میڈیسن سنٹر کا دورہ  کیا  ، اسکے  علاوہ صدر مملکت   نے سول سیکرٹریٹ میں قائم  کورونا  کرائسز  مینجمنٹ  سیل  کا  بھی  دورہ  کیا  ،اس موقع پر  چیف سیکرٹری نے پنجاب میں درپیش کورونا کی صورتحال اور اس کے تناظر میں حکومتی اقدامات پر بریفنگ  دی  ۔

ایک  روزہ  دورہ  پر  آئے  صدر  نے  اسلام  آباد  سے  لاہور  پہنچنے  پر  گورنر  پنجاب  چوہدری  سرور  سے ون  ٹو  ون ملاقات بھی کی ،،،  گورنر  ہاوس  میں  ہونیوالی  ملاقات  میں  انسداد کورونا اور ریلیف کے لیے کیے جانے والے اقدامات پر گفتگوکی  گئی  ،،،  گورنر پنجاب نے ٹیلی راشن ہیلپ لائن اور ٹیلی میڈیسن سروس سے متعلق  بھی آگاہ کیا۔

کورونا  وائرس  سے  بچاو  کے  لیے  اعلی  سطحی  اجلاس میں   وزیراعلی پنجاب  نے  صوبے  بھر  میں  وائرس  کی  روک  تھام  کے  لیے  کیے  گئے  اقدامات  سے  متعلق  صدر مملکت کو  بریفنگ  دی  ،  صدر  مملکت  نے  متاثرہ  افراد  کو  بہترین  طبی  سہولیات  فراہم  کرنے  کی  ہدایت  کی  ہے   اور  کہا   کہ پاکستان تھیوریٹک ریسرچ کا متحمل نہیں ہو سکتا،میڈیکل  ریسرچ کو جلد از جلد عملی شکل میں آنا چاہیے۔

وزیراعلی  نے بریفنگ  دیتے ہوئے  مزید   بتایا  کہ  صوبے کے تمام اضلاع میں طبی سہولتوں کو بہتر بنایا گیا ہے ،  زیادہ متاثر ہونے والے اضلاع میں فیلڈ اسپتال قائم کیے گئے ،  وائرس کی ٹسٹنگ کے لیے جدید لیبارٹریوں کا قیام بھی عمل میں لایا گیا،انہوں نے بتایا کہ   ڈاکٹرز اور طبی عملے کے لیے خصوصی مراعات کا اعلان کیا گیا ہے  ۔ اس موقع پر  صدر مملکت  نے  مریضوں کو علاج معالجے کی بہترین سہولیات فراہم کرنے  اور  مشتبہ مریضوں کو ٹھہرانے کے لیے قائم آئسولیشن مراکز میں بھی اعلی معیار کی سہولیات یقینی بنانے  کی  ہدایت  کی۔

دورہ  لاہور میں صدر مملکت ڈاکٹر عارف علوی نے یونیورسٹی آف ہیلتھ سائنسز  میں  قائم   کورونا ٹیلی میڈیسن سنٹر کا  بھی دورہ  کیا  ،  گورنر پنجاب نے میڈیکل یونیورسٹیوں کے وائس چانسلرزکوسٹارز  کہہ  کر  متعارف  کرایا  ،  وی  سی یو ایچ ایس پروفیسر جاوید اکرم نے کورونا  کی  ویکسین  کی  تیاری   کے بارے میں  بریفنگ دی  ،  جاوید  اکرم  نے  بتایا  کہ  کورونا  کی  ویکسین  کی  تیاری  پر  کام  کررہے  ہیں  ، ملک میں  انتایس ٹیلی میڈیسن سنٹر قائم ہو چکے  جبکہ  ہمارا  ہدف    ایک سو  کا   ہے۔

سول سیکرٹریٹ میں قائم  کورونا  کرائسز  مینجمنٹ  سیل  دورہ   کے موقع پر  ڈاکٹر  عارف  علوی   کو   چیف سیکرٹری نے پنجاب میں درپیش کورونا کی صورتحال اور اس کے تناظر میں حکومتی اقدامات پر بریفنگ  دی  گئی ۔اس  موقع  پر صدر مملکت نے تمام محکمانہ ہیلپ لائنز کی تشہیر کے علاوہ  وبا پر قابو پانے کے لیے متعلقہ محکموں کے درمیان ہم آہنگی کی ضرورت پر زور  دیا  اور  متاثرہ  افراد  کا  ڈیٹا  اپڈیٹ  رکھنے  کی  ہدایت  بھی  کی ۔

اے پی پی /لاہور/حامد