اسلا م آباد، 06 دسمبر(اے پی پی ):  گرلز  کرکٹ کپ  ٹورنمنٹ   کا سیمی فائنل  مقابلہ اسلام آباد ماڈل سکولز کی  طالبات کے مابین  کھیلا  گیا  ۔ سیمی فائنل   کے  مہمان خصوصی آسٹریلوی سفیر ڈاکٹر جیفری  شا تھے  ۔

سیمی فائنل    مقابلہ میں سکول کی  طالبات  کی  کرکٹ ٹیموں نے  مختصر دورانیے  کا خوبصورت  میچ  کھیلا، جس میں طالبات نے خوبصورت کیچ کئے ،برق رفتار باولنگ کرائی  اور  چوکے اور  چھکے  لگا کر حاضرین سے خوب  داد بھی وصول کی ۔

اس موقع پر طالبات کا کہنا   تھا کہ   تعلیم  کے ساتھ ساتھ کھیل  میں حصہ لینا بھی بہت ضروری  ہے ۔

یاد رہے  کہ  ” گرلز کرکٹ  کپ” گزشتہ  چار سالوں سے آسٹریلیا کے سفارت خانے  کے تعاون  سے ہر سال منعقد  ہوتا ہے جس میں اسلام آباد کے مختلف سکولوں  کی طالبات کرکٹ ٹیمیں  حصہ  لیتی ہیں ۔ پانچویں  گرلز  کرکٹ کپ  کا  فائنل  بروز ہفتہ  ایف نائن  کرکٹ گرونڈ میں  کھیلا  جائے گا۔

اے پی  پی /سعیدہ /ھامد