اسلام آباد،   ستمبر   06 (اے پی پی ):   یوم  دفاع  ،   یوم  شہدا   ایک ایسا  دن ۔ جب ہم اپنے  جوانوں  کے لہو  ۔۔۔ ان کی قربانیوں    کو    خراج  تحسین   پیش  کر   رہے ہیں    ۔۔ ان والدین    ، بہن بھائیوں  ،   بیویوں   ،    بچوں اور  خاندانوں  کو خراج تحسین پیش کرتے ہیں   جن  کے پیاروں   نے   مادر وطن کی  خاطر اپنی   جانوں  کا نذرانہ پیش  کر کے  دشمن  کو پیغام دیا  کہ    ہم  آخری   جوان ، آخری   گولی   اور خون  کے آخری  قطرے تک دفاع   وطن    کا    فریضہ    سر انجام دے کر    اس    پرغم منانے  کے بجائے  نازاں    ہوتے رہیں   گے  ۔

آج  انہی شہدا  کو خراج تحسین  پیش کرنے   کے لیے یوم دفاع و یوم شہدا       ” آو چلیں   شہید کے گھر ”   کی تھیم کے ساتھ  منایا جا رہا ہے ۔ اسی سلسلے میں   وفاقی وزیر برائے   منصوبہ بندی، ترقی و  اصلاحات    مخدوم خسرو بختیار   کیپٹن  جنیدحفیظ   شہید   کے گھر گئے  اور  شہید  کی والدہ اور دیگر اہل خانہ سے ملاقات   اور   شہید کے لیے  فاتحہ  خوانی کی ۔

اس موقع پر  انہوں  نے  کیپٹن  جنیدحفیظ   شہید    اور   وطن کی خاطر   جان کی قربانیاں  دینے والے تمام شہدا کو    خراج تحسین پیش کیا

اس موقع پربات کرتے ہوئے    وفاقی وزیر کا کہنا تھا زندہ قومیں وطن کی محبت میں جان کا نذرانہ پیش کرنے والے  ہیروں کو کبھی نہیں بھولتیں ، انھوں نے کہا کہ ہمیں پاک فوج اور تمام قانون  نافذ کرنے والے اداروں کے جوانوں پر فخر ہے جو ملکی سلامتی اور حفاظت کے لیے اپنی جان دینے سے بھی دریغ نہیں کرتے ، وفاقی وزیر نے کہا کہ ملک دشمن عناصر کے مذموم  عزائم اس بہادر اور غیور قوم کے حوصلے پست نہیں کر سکتے،

سورس: وی این ایس،اسلام آ باد